"İnter" baş məşqçisi Simone İnzaqi ilə müqaviləni uzatmaq niyyətindədir.
QOL.az xəbər verir ki, bu barədə "Sky Sports" məlumat yayıb. Klub 48 yaşlı mütəxəssisə 2026 və ya 2027-ci ilə qədər yeni müqavilə təklif edəcək. Onun hazırkı müqaviləsi 2025-ci ilin yayına qədərdir.
İnzaqi 2021-ci ildən "İnter"i çalışdırır. Onunla klub İtaliya çempionu olub, iki dəfə ölkə kubokunu və üç dəfə Superkubokunu qazanıb.
