Rusiyalı politoloq: Rusiyanın Türkiyəni Cənubi Qafqazdan sıxışdırmağa gücü çatmır
interpress.az xəbər verir ki, bunu iyunun 12-də Rusiya Ali İqtisadiyyat Məktəbinin Hərbi İqtisadiyyat və Strategiya İnstitutunun elmi direktoru Dmitri Trenin müzakirə zamanı deyib.
O bildirib ki, Rusiya Cənubi Qafqazdakı siyasi və iqtisadi reallıqları nəzərə alır, amma Türkiyənin buradan çıxarmağa gücü çatmır.
“Rusiya imperiya deyil, biz imperiya dövründən çıxmışıq, Rusiya ilə Türkiyə arasında Zaqafqaziya uğrunda mübarizə yoxdur.
Rusiyanın Türkiyə ilə münasibətləri çox mürəkkəbdir. Onlar əməkdaşlıq və qarşılıqlı əlaqə elementləri ilə rəqabət elementlərini birləşdirir, xoşbəxtlikdən, düşmənçilik yox.
Rusiya da Türkiyə kimi hər cür şəkildə düşmənçilikdən qaçmağa çalışır. Bu gün heç kimin Türkiyə ilə bağlı illüziyası yoxdur. Amma bu ölkə bu gün Rusiya üçün çox mühüm müttəfiqdir.
Bu gün Rusiya Rusiya İmperiyasının bir zamanlar Osmanlı İmperiyası ilə münasibətlərində olduğundan daha az və SSRİ-dən daha az resursa malikdir.
Rusiya Türkiyənin təsirinin artması ilə razılaşmır, Rusiya bunu sadəcə olaraq geosiyasi reallıq kimi görür.
Rusiya Federasiyasının gələcəyi Ukraynada xüsusi hərbi əməliyyatın necə, nə vaxt və necə başa çatacağından asılı olacaq.
Əgər Rusiya qələbə qazanarsa, o zaman tamam başqa vəziyyət yaranacaq və Rusiya başqa istiqamətlərdə çox daha fəal hərəkət edəcək. Türkiyə bunu bilir ki, Ukrayna müharibəsi ilə bağlı öz mövqeyini tutub və bu mövqe rusiyayönlü deyil”, – Trenin vurğulayıb.
Xuraman Etibarlı
İnterpress.az
