İran tərəfinin problemlərinə görə Moskva və Tehran arasında strateji əməkdaşlıq haqqında sazişin işlənməsi dayandırılıb. Bu (Moskva ilə Tehran arasında hərtərəfli əməkdaşlıq haqqında yeni sazişin imzalanması qərarı. – red.) heç vaxt öz qüvvəsini itirməyib və son hadisələrlə (İran prezidenti İbrahim Rəisinin ölümü – red.) bağlı deyil.
Qaynarinfo xəbər verir ki, bu barədə Rusiya Xarici İşlər Nazirliyinin ikinci Asiya departamentinin direktoru Zamir Kabulov RİA Novosti agentliyinə müsahibəsində bildirib.
Diplomat əlavə edib ki, Rusiya ilə İran arasında hərtərəfli əməkdaşlıq sazişinin bağlanması iki ölkə rəhbərliyinin strateji qərarıdır. "Şübhə etmirəm ki, bu iş sazişin mətni razılaşdırılana kimi tamamlanacaq və bundan sonra iki ölkənin liderləri imzalanma vaxtı və yeri barədə qərar verəcəklər”, - deyə o bildirib.
Qeyd edək ki, Moskva ilə Tehran arasında münasibətlər 2001-ci ildə imzalanmış "Münasibətlərin əsasları və əməkdaşlıq prinsipləri haqqında” Saziş (sənəd hər beş ildən bir yenilənir) əsasında qurulur. Bununla belə, son illər tərəflər qarşılıqlı olaraq belə qənaətə gəliblər ki, sənəd geosiyasi vəziyyətin yeni reallıqlarına və qarşılıqlı fəaliyyətin daha yüksək səviyyəsinə uyğun gəlmir.
Rəisinin Rusiya Federasiyasına səfərindən sonra 2022-ci ilin əvvəlində yeni müqavilənin hazırlanması üzrə aktiv işlərə başlanılıb. İki il sonra layihə "yüksək səviyyədə hazır idi” Kabulov izah edir: "Lakin sonra iranlı tərəfdaşlar Rusiyada yeni idarələrarası təsdiq tələb edən bir neçə düzəliş təklif etdilər. Razılaşmanın təxmini vaxtı hələlik məlum deyil”.
Nizami Bağırov
