Bu fikirlər ABŞ-nin məşhur “Politico” saytında dərc olunan məqalədəndir. Nəşr aparılan sosioloji sorğuların təhlili nəticəsində belə qənaətə gəlib.

Məqalə müəllifi xatırladıb ki, ötən həftə Qərb İkinci Dünya Müharibəsi zamanı öz qoşunlarını Normandiyaya yeritməsinin 80 illiyini qeyd edib. Müttəfiqlər nasistlərin Fransa və Benilüks ölkələrindən qovulması üçün on minlərlə qurban verdilər. Bunlar isə həmin ağır döyüşlərdə sağ qalmaq şansının az olduğunu bildiyi halda, qətiyyətlə silahlı mübarizəyə girən gənclər idilər.

Co Baydenin İkinci Dünya Müharibəsində qalib gələn nəsli möhtəşəm və ya ən güclü adlandırmasına dair açıqlamaları fonunda Avropa gəncləri fərqli görünürlə. Onlar Rusiyanın Avropa ölkələrinə hücumu halında öz həyatlarını riskə atmaq istəyinin olmadığını birbaşa bəyan edirlər.

Keçən həftə Böyük Britaniyada keçirilən sorğuda 18-24 yaşlı britaniyalıların yalnız 29%-nin ölkəni işğala qarşı müdafiə edəcəyini deyib. Kontinental avropalılar da artıq döyüşkən və vətənpərvər deyillər. Sorğuların nəticələrinə görə, əgər onların ölkələri müharibə meydanına çevrilərsə, avropalıların yalnız 32%-i silah gğtürüb döyüşməyə hazır olacaq.

Tural Tağıyev
AzVision.az

• Putin
• müttəfiqlər