ABŞ-də Kaliforniya ştatının sərhədçilərinə Rusiyadan olan qeyri-qanuni miqrantları saxladıqdan sonra dərhal deportasiya etmək əmri verilib.
Yeniavaz.com xəbər verir ki, bu barədə “New York Post” qəzeti müvafiq sənədə istinadla məlumat yayıb.
Məlumata görə, belə bir tədbir Rusiyadan başqa, Gürcüstan, Qırğızıstan, Moldova, Tacikistan və Özbəkistandan olan yetkin miqrantlara da şamil olunacaq.
Eyni zamanda, şərq yarımkürəsinin 100-dən çox başqa ölkəsindən olan miqrantlar həbs olunduqdan sonra onların işi üzrə məhkəmə tarixi təyin ediləcək və tarix təyin edildikdən sonra azad olunacaqlar.
Sənəddə onların dərhal qovulması tələbi yoxdur.