“Son aylarda 600 uşaq aclıqdan ölüb”.
KONKRET.az xəbər verir ki, bu barədə Sudanda Milli Uşaq Baxımı Şurası məlumat yayıb.
BMT də bu məsələ ilə bağlı açıqlama verib: “Sudanlılar aclıqdan ot və yarpaqlarla qidalanmalı olub”. Sudanda Ömər əl-Bəşirin 30 illik hakimiyyətinin xalq üsyanı ilə devrilməsindən sonra mülki şəxslərin iştirakı ilə qurulan hökumətə qarşı birgə çevriliş edən ordu ilə Çevik Dəstək Qüvvələri (HDK) arasında hakimiyyət mübarizəsi başlayıb.
Vətəndaş müharibəsi bir ildən çoxdur davam edir.
Günel Mikayılova,
KONKRET.az
