Bakıda sürücülərin qayda pozduğu küçələrdən biri də İnşaatçılar prospektidir. Avtosfer.az xəbər verir ki, sözügedən ərazidə baş verən hadisə avtomobildəki kameraya qeyd olunub. Belə ki, Azad Mirzəyev küçəsindən gələn sürücülər Statistika Komitəsinin qarşısından sola dönərək Nəriman Nərimanov prospekti istiqamətinə hərəkət edirlər. Nəticədə İnşaatçılar prospekti ilə hərəkət edən sürücülər təhlükə ilə üzləşirlər. Azad Mirzəyev küçəsinin sonunda düzünə hərəkəti bildirən nişanın olmasına baxmayaraq, sürücülər yollarını qısaltmaq üçün qaydaları pozurlar. Öz rahatlıqlarını düşünən sürücülər qayda pozmaqla digər sürücülərin həyatına təhlükə yaradırlar.
Fərid
