"Azərbaycan Beynəlxalq Bankı" ASC-nin (ABB) tam özəlləşdirilməsi gündəmdə deyil.
"Report" xəbər verir ki, bunu ABB-nin İdarə Heyətinin sədri Abbas İbrahimov bildirib.
"Bu gün gündəmdə olan məsələ yeni səhmlərimizin kütləvi təklif üsulu ilə emissiya edilməsidir. Hansısa iri özəl investor cəlb edib bankı özəlləşdirmək planı yoxdur. Buna əsas səhmdar qərar verməlidir. Əsas odur ki, ABB-də sağlamlaşdırma tam başa çatıb. Bunu elan edə bilərik", - deyə o qeyd edib.
