"İnter Mayami"nin hücumçusu Lionel Messinin formaları 2024-cü ilin ilk yarısında bütün MLS oyunçuları arasında ən çox satılan forma olub.
QOL.az xəbər verir ki, bu barədə liqanın mətbuat xidməti məlumat yayıb.
Populyarlıq siyahısında ikinci yerdə argentinalı futbolçunun komanda yoldaşı, hücumçu Luis Suaresdir. Üçüncü sırada "Cincinnati"nin yarımmüdafiəçisi Luçiano Akosta qərarlaşıb. Satılan formaların sayı dəqiqləşdirilməyib.
Messi 2023-cü ilin iyulundan "İnter Mayami"də çıxış edir. 2024-cü il mövsümündə forvard MLS-də 12 qol vurub və 9 qolun ötürməsini verib.
