İran Xarici İşlər Nazirliyinin sözçüsü Nasser Kanani ABŞ və Fransa prezidentlərinin birgə bəyanatını pisləyib, orada Tehrana qarşı irəli sürülən “əsassız və qəbuledilməz ittihamları” rədd edib. Bizimyol.info xəbər verir ki, bu barədə İslam Respublikası Xarici İşlər Nazirliyinin rəsmi "Telegram" kanalında yerləşdirilmiş bəyanatında deyilir. “Kənani İran əleyhinə bəyanatı əsassız və siyasi məqsədlər güdən adlandırıb”, - deyə İran Xarici İşlər Nazirliyinin bəyanatında qeyd edilib. Rəsmi nümayəndə vurğulayıb ki, “İran İslam Respublikasının regionda və dünyada sabitlik və təhlükəsizliyin bərqərar olması və möhkəmləndirilməsində, beynəlxalq təhlükəsizliyin möhkəmləndirilməsi üçün terrorçu qruplarla mübarizədə rolu danılmazdır”. Bundan əlavə, o, Tehranın “beynəlxalq hüquq və öhdəliklər çərçivəsində Beynəlxalq Atom Enerjisi Agentliyi ilə texniki əməkdaşlığa” sadiqliyini təsdiqləyib. Bundan əvvəl Fransa prezidenti Emmanuel Makron Amerika lideri Co Baydenlə Yelisey sarayında danışıqlardan sonra keçirdiyi birgə mətbuat konfransında bildirmişdi ki, Paris və Vaşinqton İrana təzyiq göstərmək niyyətindədir ki, İran onu “bölgədəki vəziyyəti qeyri-sabitləşdirmək” üçün hərəkətləri dayandırsın. Qadir, Bizimyol.info
İran ABŞ və Fransanın Tehrana qarşı regionda sabitliyi pozmaq ittihamlarını rədd edir
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
