Qəzza zolağına humanitar yardımın çatdırılması bərpa edilib. Bu barədə ABŞ Mərkəzi Komandanlığı (CENTCOM) şənbə günü X sosial şəbəkəsindəki (keçmiş Twitter) səhifəsində məlumat verib.
“Bu gün Qəzza vaxtı ilə təxminən 10:30-da ABŞ Mərkəzi Komandanlığı Qəzza zolağının sahillərinə humanitar yardım çatdırmağa başlayıb”, - deyə məlumatda bildirilir.
Hesabatda qeyd olunur ki, estakadanın fəaliyyəti bərpa olunduqdan sonra anklavın əhalisinə 492 tona yaxın yük çatdırılıb. Ümumilikdə ABŞ 1573 ton yük çatdırıb.
Bundan əvvəl ABŞ Müdafiə Nazirliyinin sözçüsü Sabrina Sinq estakadanın zədələndiyini və yedəyə alınaraq İsrailin Aşdod şəhərinə aparılacağını və burada “ABŞ Mərkəzi Komandanlığının təmir işləri aparacağını” bildirmişdi. Zərərə əlverişsiz hava şəraiti səbəb olub.
ABŞ Mərkəzi Komandanlığı mayın əvvəlində elan etdi ki, yük maşınları müvəqqəti körpüdən istifadə edərək Qəzza zolağına humanitar yardım çatdırmağa başlayıb. Platformanın fəaliyyətinin təmin edilməsində 1 minə yaxın amerikalı hərbçi iştirak edir.
Oxuməni.az
