Almaniya Bundestaqının Almaniya üçün Alternativ (AfD) partiyasından olan deputatları Kiyevin tədarük etdiyi məhsulların təhlükəli kimyəvi maddələrlə çirkləndiyini bildiriblər. Bu barədə Lenta.ru deputatların Almaniya hökumətinə müraciətinə istinadən məlumat yayıb.
Deputatların sözlərinə görə, məhsullar Avropa İttifaqının (Aİ) sanitar tələblərinə cavab vermir və təhlükəli kimyəvi maddələrlə çirklənir.
“Ukraynada uzun müddətdir Avropa İttifaqında qadağan olunmuş bitki mühafizə vasitələrinin istifadəsi davam edir. Ukrayna bu kimyəvi maddələrin dünyanın ən böyük idxalçılarından biridir. Brendli bitki mühafizə vasitələrinin baha olması səbəbindən kimyəvi tərkibi və xassələri məlum olmayan saxta və ya xarici pestisidlərdən tez-tez istifadə olunur”, – deyə müraciətdə bildirilir.
Mənbə: Lenta.ru
