İyunun 1-də saat 18 radələrində İsmayıllı rayonunun Kürdmaşı kəndi ərazisində “QAZ-53” və “VAZ-2107” markalı avtomobillər toqquşub.
DİN-in Mətbuat Xidmətinin Şəki regional qrupundan APA-ya bildirilib ki, hadisə nəticəsində “VAZ”ın sürücüsü, 2000-ci il təvəllüdlü Dəmirov Abuzər Azər oğlu aldığı xəsarətlərdən ölüb, avtomobildə olan digər iki sərnişin - 19 yaşlı Nurlan Dəmirov və 35 yaşlı Müşviq Abbasov xəsarət alıb.
Araşdırma aparılır.
***
Saat 19:41
İsmayıllıda baş vermiş qəza ilə bağlı bəzi detallar məlum olub.
APA-nın Şirvan bürosu xəbər verir ki, əldə olunan məlumatlara əsasən "QAZ-53" markalı yük avtomobili "VAZ-2107" markalı avtomobillə toqquşub. Nəticədə 3 nəfər müxtəlif dərəcəli bədən xəsarətləri alıb, bir nəfər dünyasını dəyişib.
Faktla bağlı araşdırma aparılır.
***
19:08
İsmayıllıda avtomobil qəzası baş verib.
APA-nin Şirvan bürosu xəbər verir ki, ilkin məlumata əsasən, hadisə İsmayıllının Kürdmaşı kəndi ərazisində qeydə alınıb. Hadisə nəticəsində bir neçə nəfərin ağır yaralandığı və bir nəfərin dünyasını dəyişdiyi bildirilir.
