Rusiya Azərbaycan və Ermənistan xarici işlər nazirlərinin Qazaxıstanda keçirilməsi planlaşdırılan görüşünü alqışlayır.
Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“Mayın 10-na planlaşdırılan bu görüşü alqışlayırıq”, - diplomat Rusiyanın görüşdən gözləntiləri ilə bağlı sualı cavablandırarkən bildirib.
Zaxarova vurğulayıb ki, Moskva Ermənistan-Azərbaycan münasibətlərinin normallaşması proseslərinə yardım etməyə davam etməyə hazırdır.
Qazaxıstan Xarici İşlər Nazirliyinin sözçüsü Aybək Smadiyarov bundan əvvəl xarici işlər nazirlərinin mayın 10-da Almatıda görüşünün keçiriləcəyini təsdiqləyib. Smadiyarov söyləyib ki, danışıqlar qapalı olacaq, amma görüşdən əvvəl jurnalistlər dəvət olunacaq.
Müəllif: Mənsur Rəğbətoğlu
