Bu gün Çempionlar Liqasında yarımfinal mərhələsinə yekun vurulacaq.
İdman.biz xəbər verir ki, cavab oyunlarının son günündə diqqətlər Madridə yönələcək.
Turnirin ən titullu komandası “Real” “Bavariya”nı qəbul edəcək. 15-ci kubokunu hədəfləyən İspaniya nəhəngi tarixində 18-ci dəfə finalda oynamaq iddiasındadır. Münhenlilər isə 12-ci dəfə həlledici görüşə çıxsa, bu göstəricidə mütləq ikinciliyi ələ keçirəcək.
Qeyd edək ki, iyunun 1-də “Uemnli”də keçiriləcək finala ilk vəsiqəni Dortmund “Borussiya”sı qazanıb.
Çempionlar Liqası
Yarımfinal, cavab oyunu
8 may
23:00. “Real” – “Bavariya”
Baş hakim: Şimon Marçinyak (Polşa)
Madrid. “Santyaqo Bernabeu” stadionu
İlk oyun – 2:2
İdman.biz
