Popun kraliçası, dünya şöhrətli müğənni Madonna ötən gün Braziliyada 1,6 milyon insana pulsuz konsert verib.   Manset.az-ın xarici mediaya istinadən məlumatına görə, 65 yaşlı sənətçinin konserti Rio-de-Janeyroda məşhur Kopakabana çimərliyində baş tutub. Minlərlə insan günlərdir çimərlikdə düşərgə quraraq bu konserti gözləyib. Yüzlərlə insan sahilyanı mənzillərin pəncərələrindən və qayıqlardan izlədiyi konsert sahəsinin ətrafına 3 mindən çox polis təyin edilib. Termometrlərin 30 dərəcəni keçdiyi konsert meydançasında tamaşaçıların üzərinə su səpilib, pulsuz içməli su paylanıb. Əfsanə Rəcəb Manşet.az