Ukrayna Silahlı Qüvvələri Rusiyanın Ryazan Neft Emalı Zavoduna hücum edib.
Reyting.az Rusiya KİV-lərinə istinadla bildirir ki, Moskva vaxtı ilə saat 03:00 radələrində zavoda bir neçə pilotsuz uçuş aparatı (PUA) tərəfindən hücum olub. Bundan sonra zavodda yanğın başlayıb.
Ryazan vilayətinin qubernatoru Pavel Malkov deyib ki, ilkin məlumata görə, itki yoxdur, araşdırma aparılır.
O da məlum olub ki, mayın 1-nə keçən gecə Rusiya hava hücumundan müdafiə qüvvələri Voronej və Kursk vilayətlərində Ukraynaya məxsus pilotsuz təyyarələri vurub.