Perunun şimalında avtobusun qəzaya uğraması nəticəsində ölənlərin sayı 25-ə çatıb.
Bu barədəKajamarka regional səhiyyə departamentinin mətbuat xidməti məlumat yayıb.
“İndiyədək 25 nəfərin öldüyü, 15 nəfərin yaralandığı təsdiqlənib. Yaralılardan 6-sıKajamarka regional xəstəxanasına yerləşdirilib”, - deyə bildirilib.
Bundan əlavə, mətbuat xidməti əlavə edib ki, hazırda “bu faciənin səbəblərini müəyyən etmək üçün müvafiq araşdırmalar aparılır”.