Bu gün futbol üzrə Türkiyə çempionatında (Super Liqa) 2023/2024 mövsümünün 34-cü turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Fatih Karagümrük” və “Antalyaspor” komandaları üz-üzə gəliblər. Beş qolun qeydə alındığı oyunda meydan sahibləri darmadağına seviniblər.
Beləliklə, 34 turdan sonra 93 xala malik “Qalatasaray” vahid liderdir. “Fənərbaxça” 89 xalla 2-ci pillədə qərarlaşıb. “Trabzonspor” 58 xalla 3-cü, “Başakşəhər” 52 xalla 4-cü, “Beşiktaş” 51 xalla 5-cidir. “Kasımpaşa” və “Rizəspor”un 49, “Alanyaspor və “Sivasspor”un 48, “Antalyaspor”un 45, “Adana Dəmirspor”un 41, “Kayserispor”un 40, “Samsunspor”un 39, “Ankaragücü”nün 38, “Fatih Karagümrük” və “Konyaspor”un 36, “Qaziantep”in 34, “Hatayspor”un 33, “Pendikspor”un 30, sonuncu olan “İstanbulspor”un isə 16 xalı var.
Türkiyə, Super Liqa
34-cü tur
26 aprel
Adana Dəmirspor – Qalatasaray 0:3
Qollar: H.Ziyeş, 53. K.Demirbay, 64. M.İkardi, 90+1.
27 aprel
Kasımpaşa – Samsunspor 1:0
Qol: A.Kara, 3.
Sivasspor – Konyaspor 1:0
Qol: Manay, 86.
Fənərbaxça – Beşiktaş 2:1
Qollar: Batşuayi, 30. İ.C.Kahveci, 69 – C.Tosun, 82.
Hatayspor – Başakşəhər 1:2
Qollar: Renat Dadaşov, 73 – K.Pyontek, 5. O.Kemen, 69.
28 aprel
Alanyaspor – İstanbulspor 6:0
Qollar: O.Aydın, 2; 90+2. Yanvye, 8; 28. Balkoveç, 55. Koka, 67.
Pendikspor – Kayserispor 1:2
Qollar: Ndiaye, 7 – Boa Morte, 45+2. Burabiya, 56.
Rizəspor – Ankaragücü 2:2
Qollar: Qaiç, 25. Olavoyin, 32 – Bayiç, 56. Q.Rodriqes, 90+9.
Trabzonspor – Qaziantep 4:2
Qollar: Onuaçu, 50; 66; 68. Bardi, 65 – Soresku, 12. Draquş, 21.
29 aprel
Fatih Karagümrük – Antalyaspor 4:1
Qollar: G.Yalçın, 36. Markao, 64. C.Keleş, 81. Paoletti, 90+1 – Larsson, 78.
