İstanbul, 29 aprel, Günel Karatepe, AZƏRTAC
Türkiyə Silahlı Qüvvələri tərəfindən İraqın şimalında aparılan antiterror əməliyyatı nəticəsində son bir həftə ərzində daha 15 PKK terrorçusu zərərsizləşdirilib.
AZƏRTAC xəbər verir ki, əməliyyat Türkiyə Milli Kəşfiyyat Təşkilatının (MİT) rəhbərliyi ilə İraqın Hakurk bölgəsində həyata keçirilib.
Əməliyyat zamanı zərərsizləşdirilənlər arasında təşkilatın liderləri hesab edilən terrorçular da var. Bu şəxslərin Türkiyənin bölgədəki təhlükəsizlik qüvvələrinə qarşı hücum planlaşdırdıqları müəyyən edilib.
Son məlumatlara görə, MİT İraqdaki əməliyyatların intensivliyini daha da artırmağı planlaşdırır.
