Son günlər Səhiyyə Nazirliyinin İctimai Səhiyyə və İslahatlar Mərkəzinin binasında aparılan təmir-tikinti işləri müzakirə obyekti olub.
Sfera.az bildirir ki, mərkəz bir neçə gün bundan əvvəl üzərindəki bayraq və yazının sökülməsi ilə gündəmə gəlib.
Qeyd olunub ki, binada görülən işlər təmirlə əlaqədardır. Həmçinin, rəsmi qurumlar verdikləri açıqlamalarda binanın üstündəki yazı və bayrağın da təmirdən sonra bərpa olunacağını açıqlayıb.
Qeyd edək ki, 2006-cı ilin sentyabrında keçmiş səhiyyə naziri Oqtay Şirəliyev İctimai Səhiyyə və İslahatlar Mərkəzinin (İSİM) yaradılması barədə qərar imzalayıb.
İSİM səhiyyə siyasətinin inkişafına dəstək verərək, səhiyyə sahəsində həyata keçirilən strategiya və tədbirlər barədə, həmçinin xəstəliklərlə mübarizə, profilaktika ilə bağlı informasiyanın yayılması və toplanması ilə məşğuldur.
Sözügedən təmir prosesi ilə bağlı fotoreportajı təqdim edirik:
Fotolar: Anar Bayramlı
Türkan
