ABŞ-da universitetlərdə başlayan Fələstin tərəfdarları etirazlarından dünyanı şoka salan görüntülər ortaya çıxmağa başlayıb.
Yenicag.az xarici KİV-ə istinadən xəbər verir ki, etirazların davam etdiyi İndiana Universitetinin binasının damına amerikalı snayper yerləşdirilib.
ABŞ-ın Nyu-York şəhərində başlayan Fələstin dəstəkli etirazlar ABŞ-ın bir çox universitetlərinə də sirayət edib. Keçən həftə Kolumbiya Universitetində 100-dən çox nümayişçinin saxlanılmasından sonra etirazlar Vaşinqtondakı Corc Vaşinqton Universiteti, Emori Universiteti, Bostondakı Emerson Kolleci, Los Ancelesdəki Cənubi Kaliforniya Universiteti və Ostindəki Texas Universiteti də daxil olmaqla bir çox universitetə yayılıb.
Universitetlərdə keçirilən etiraz aksiyalarında tələbələr məktəblərdən İsraillə maliyyə əlaqələrini kəsməyi və aylarla davam edən qarşıdurmanı mümkün edən şirkətlərdən əl çəkməyi tələb edərkən, ABŞ polisi tələbələrin Fələstinə dəstək üçün başlatdığı kütləvi nümayişlərdə qeyri-mütənasib güc tətbiq etməyə başlayıb. Etiraz edən tələbələrin təhlükəsizlik qüvvələri tərəfindən çox sərt müdaxilələrlə saxlanıldığı görüntülər dünyanın reaksiyasına səbəb olub.
ABŞ polisinin tələbələrə qarşı sərt müdaxiləsinə reaksiyalar olsa da, etirazların yayıldığı qurumlardan biri olan İndiana Universitetindən qan donduran görüntülər yayılıb. Fələstin tərəfdarı etirazların keçirildiyi İndiana Universitetinin binasının damında amerikalı snayperin yerləşdirildiyi görüntülənib. Görüntülər əsasında tələbələrin hədəfə alınıb-alınmayacağı ilə bağlı müzakirələr başlayıb.
