Culture
"Bilim hər yerdə” layihəsi Laçında
11:42 26.04.2024
- Smartbee
- Report
25-26 aprel tarixində Laçın rayonunun və Zabux kəndinin orta məktəblərində "Bilim hər yerdə” layihəsi gerçəkləşib.
Layihə "ASAN xidmət”in "İnnovasiyalar Mərkəzi”, "Bilim Bakı” mərkəzi tərəfindən reallaşdırılır.
Məqsəd ucqar ərazilərdə yaşayan 6-14 yaş arası şagirdləri müasir elmlə tanış etmək, onların proqramlaşdırma və texnoloji bacarıqları öyrənmələrinə şərait yaratmaq, innovasiya və texnologiya sahəsində məlumatlılığı artırmaqdır.
Mərkəzin müəllimləri tərəfindən hər iki orta məktəbin 100-ə yaxın şagirdinə dizayn, təbiət elmləri və texnologiya sahəsində müxtəlif təlimlər, ustad dərsləri keçirilib.
Həmçinin maarifləndirici, intellektual oyunlar təşkil olunub və "Bilim şou” nümayiş etdirilib.
Sonda şagirdlərə sertifikatlar və hədiyyələr təqdim olunub.
Layihənin sponsoru "Final çay”dır.
Xatırladaq ki, "Bilim Bakı” mərkəzi Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Türkiyə Texnologiya Komandası Fondunun əməkdaşlığı ilə yaradılıb.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Comment ()
