İranın atom bombası yaradılacaq qədər zənginləşdirilmiş uranı var?

“İranın atom bombası yaratmaq üçün kifayət qədər zənginləşdirilmiş urana sahib olmasına “aylar yox, həftələr” qalıb”.

Ulusal.az xəbər verir ki, bunu Beynəlxalq Atom Enerjisi Agentliyinin (BAEA) baş direktoru Rafael Qrossi DW-yə müsahibəsində deyib.

Onun sözlərinə görə, uranın zənginləşdirilməsi səviyyəsi narahatlıq doğursa da, İranın artıq belə silahlara malik olması barədə nəticə çıxarmaq hələlik mümkün deyil.

Qrossinin sözlərinə görə, İranın nüvə texnologiyasının “tibbi və mülki məqsədlər üçün” lazım olduğuna dair zəmanətləri “belə həcmdə zənginləşdirilmiş uranın” və onun istehsalının “belə sürətinin” nə üçün lazım olduğuna dair suallar yaradır.