Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Sabirabad Rayon Mərkəzi Xəstəxanasının Laboratoriya şöbəsi beynəlxalq standartlara uyğun olaraq yenidən təsnif edilib və yeni avadanlıqlarla təchiz olunub.
Xəstəxanadan Aztibb.az-a verilən xəbərə görə, şöbədə Biokimya, Hematologiya, Mikrobiologiya və İmmunologiya bölmələri fəaliyyət göstərir. Laboratoriyaların fəaliyyəti pre-analitik, analitik və post-analitik mərhələnin tələblərinə uyğun olaraq təşkil edilib, bütün mərhələlərdə insan faktorunu və xətaları minimuma endirmək üçün sistem tam avtomatlaşdırılıb. Belə ki, “Sysmex XN550”, “CUB TOUCH”, “Sysmex CA 600”, “Cobas e 411”, “Cobas c 500”, “Cobas e 600” tam avtomat cihazlarla və s. ilə təchiz olunub.
Qeyd edək ki, pasiyentlər tamamilə elektronlaşdırılmış analizlərinin nəticələrini tibb müəssisəsinə gəlməklə, həmçinin müəssisəyə gəlmədən “e-tabib” tətbiqi vasitəsilə və onlayn şəkildə (
https://lab.tabib.gov.az/ ) əldə edə bilərlər.