Niderland Ukrayna üçün daha 3 F-16 göndərəcək 

Niderland ukraynalı pilotların təlimi üçün daha üç F-16 qırıcısı bağışlayacaq. 

Yenisabah.az xəbər verir ki, bu barədə "Reuters" məlumat yayıb. 

Bildirilib ki, qırıcılar Rumıniyadakı təlim mərkəzinə təhvil verəcək. Agentlik yazır ki, ötən ilin noyabrından Amsterdam artıq Rumıniyaya səkkiz qırıcı tədarük edib və ümumilikdə onlar Ukrayna Silahlı Qüvvələrinin təlimi üçün 18 belə təyyarə verməyə söz veriblər. 

Ölkə həmçinin cəbhədə istifadə üçün Ukraynaya 24 F-16 döyüş təyyarəsini təhvil verəcəyini vəd edib. Bunlar cari ilin ikinci yarısında Kiyevə köçürülməlidir. Qərb ölkələrinin vəd etdiyi ilk F-16 təyyarəsinin bu yay Ukraynaya gəlməsi gözlənilir. 

İndi ukraynalı pilotlar bu təyyarələri idarə etmək üçün təlim proqramını davam etdirirlər. Mart ayında bildirildi ki, Danimarka, Niderland, Norveç və Belçika Ukraynaya 45-ə yaxın qırıcı təyyarə göndərməyi öhdələrinə götürüblər ki, bu da üç kiçik eskadrilya üçün kifayətdir. 

Danimarka ilk altı F-16-nı yazın sonuna qədər göndərəcəyini vəd edib ki, daha 13-ü ilin sonuna qədər və 2025-ci ildə çatdırılacaq. Digər ölkələr çatdırılma tarixləri ilə bağlı hələ qərarsızdır.