“Xəbərlərdə yazılıb ki, Lunyov “Qarabağ”ı tərk edə bilər. Bu xəbər yüz faiz dəqiq deyil” – bunu futbolinfo.az-a açıqlamasında “Qarabağ”ın qapıçısı Andrey Lunyovun meneceri Anton Smirnov deyib.
O bildirib ki, yayılan xəbərlər doğru deyil: “Üstəlik, klubun, futbolçunun və mənim mövqeyim yoxdur. Mən şayiələri şərh etmirəm. Biz hələ də “Qarabağ”dan təklif gözləyirik və dialoqa açığıq. Klubdan sonuncu təklif yanvar ayında gəlib”.
