Məşhur youtuber Graham Dinkelmanı keçən ay ilan sancmışdı.
"Cebheinfo.az" xəbər verir ki, anafilaktik şokla xəstəxanaya yerləşdirilən Dinkelmandan kədərli xəbər gəlib.
Vəhşi təbiət həvəskarı kimi tanınan və “YouTube”da yayımladığı videolarla özünəməxsus izləyici kütləsi yaradan Graham Dinkelmanı zəhərli ilan sancıb.
Cənubi Afrikanın Pietermaritzburq şəhərində bir müddət süni komada saxlanılan Graham Dinkelman şənbə günü dünyasını dəyişib.
2022-ci ildə "Cənubi Afrikanın Stiv İrvini" kimi məşhurlaşan Graham Dinkelman xüsusilə təhlükəli sürünənlərlə bağlı diqqəti çəkən videoları sayəsində bütün dünyada tanınıb.
Həyat yoldaşının verdiyi açıqlamaya görə, o, xəstəxanada həyat mübarizəsi aparıb.
Həyat yoldaşı Kirsti verdiyi açıqlamada "O, bu çətin dövrdə inanılmaz mübarizə apardı. Onun bizimlə olmaq üçün mübarizə apardığını bilirik və buna görə minnətdarıq" deyib.
