Avstraliyada Yeni Cənubi Uelsin Qarlı dağlarında itən qadın axtarışlara başlandıqdan bir həftə sonra sağ tapılıb.
SİA-nın əldə etdiyi məlumata görə, bunu ABC Australia xəbər verir.
48 yaşlı Lovisa Sjöberg tez-tez Kosciuszko Milli Parkında gəzir, burada vəhşi atların şəklini çəkirmiş, lakin bir gün yoxa çıxıb.
Oktyabrın 21-də qadının avtomobil icarəyə götürdüyü şirkət polisə müraciət etdikdən sonra onun axtarışlarına başlanılıb. Məlum olub ki, Sjöberqin maşını 6 gündür eyni yerdə olub. Tezliklə avtomobil tapılsa da, qadın iz qoymadan yoxa çıxıb.
...Oktyabrın 28-də Syoberqi kolluqda sağ tapana qədər 30-a yaxın adam bir həftə dağları darayıb.
... Bu, o qədər geniş ərazidir ki, əsasən ot tayasında iynə tapmaq kimi idi.
Bunu axtarış qrupunun üzvlərindən biri deyib.
Qadın xilasetmədən dörd gün əvvəl zəhərli avstraliyalı mis başlı ilan tərəfindən dişləndiyini bildirib. Buna baxmayaraq, Sjoberg tibbi yardım olmadan müəmmalı şəkildə sağ qala bilib. Baxmayaraq ki, belə sürünənlərin dişləməsi ölümcüldür. Qadın sağ-salamat xəstəxanaya çatdırılıb.
Qeyd olunur ki, qadın itkin düşənə qədər sonuncu dəfə oktyabrın 15-də icarəyə götürdüyü avtomobili idarə edərkən görünüb. Şeberqin avtomobili niyə tərk etdiyi və necə itdiyi hələ də məlum deyil.
Bundan əvvəl ABŞ-ın Oreqon ştatında vulkandan enərkən itən turistin xilas edildiyi bildirilib. O, tapılana qədər yeməksiz, susuz, isti paltarsız təkbaşına gəzib.
Əli Babayev
