Azərbaycanda daha bir orta məktəbdə müəllimlər vahid formadan istifadə etməyə başlayıb.
Xezerxeber.az-ın məlumatına görə, Samux rayonu, Qədili kənd ümumi orta məktəbin kollektivi artıq vahid formadan istifadə edir.
Bildirilib ki, bu yanaşmanın tətbiqi həm təhsilin keyfiyyətinə, həm də məktəbin ümumi atmosferinə təsir göstərən xüsusi amildir.
"Müəllimlər vahid geyim forması ilə tədris prosesində daha peşəkar bir görünüşə sahib olurlar. Bu, həm şagirdlər, həm də valideynlər arasında müəllimlərin ciddiyyətini və nüfuzunu artıraraq, məktəb mühitində intizamın təmin edilməsinə kömək edir. Həmçinin bu addım bərabərlik prinsipinin əyani nümunəsidir", - qeyd olunub.
Qeyd edək ki, Goranboy rayon Kəhrizli kənd, Quşçular, Eyvazlılar və Goranboy şəhər 2 nömrəli tam orta məktəbin müəllimləri də uzun illərdir, vahid formadan istifadə edirlər.
