1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan Mərkəzi Seçki Komissiyası parlament seçkilərinin baş tutduğunu elan edib.
Oxu.Az xəbər verir ki, saat 20:00-a olan ilkin məlumata görə, seçici fəallığı 58,94 % təşkil edib.
Səslərin 70,9 %-i işlənildikdən sonra "Gürcü Arzusu" 52,98 % səs toplayıb. "Gürcü arzusu"na 921 067 seçici səs verib.
Parlamentə, həmçinin 4 müxalifət partiyası daxil olur:
"Dəyişiklik Koalisiyası" - 11,2%, "Vahidlik - Milli Hərəkat" - 9,8%, "Güclü Gürcüstan" - 9%, "Qaxariya - Gürcüstan naminə" - 8,2%.
Qalan partiyalar 5%-lik hıddikeçə bilməyiblər.
Parlament seçkiləri ilə əlaqədar 3 111 seçki məntəqəsi açılıb. Bunlardan 3 044-ü Gürcüstanda, 67-si isə xarici ölkələrdə yerləşirdi. Seçicilərin ümumi sayı 3 508 294 nəfər təşkil edib. Onlardan 3 113 747 nəfəri elektron texnologiyalardan istifadə etməklə öz seçimini edib.
Qeyd edək ki, Gürcüstanın hakim partiyasının icraçı katibi Mamuka Mdinaradze keçirdiyi brifinqdə deyib ki, "Gürcü Arzusu - Demokratik Gürcüstan" partiyası parlament seçkilərində qələbə qazanmasına baxmayaraq, ilkin hesablamalara görə, parlamentdə 90-91 mandat alacaq.
