Gürcüstanın hakimiyyətə yaxın olan Imedi telekanalının təqdim etdiyi eksit-poll nəticələrinə görə, "Gürcü Arzusu" partiyası 56,1% dəstək toplayıb.
Musavat.com xəbər verir ki, bu barədə “Sputnik Gürcüstan” məlumat yayıb.
Qeyd olunub ki, "Dəyişikliklər Koalisiyası" 12,6%, "Vahid Milli Hərəkat" 11,6%, "Güclü Gürcüstan" isə 7% səs alıb.
Bu nəticələr GORBI şirkəti tərəfindən Imedi telekanalı üçün keçirilmiş eksit-pollun məlumatlarıdır.
Eksit-pollar seçki məntəqələrindən çıxan seçicilər arasında aparılan sorğuların nəticələridir. Onlar hüquqi qüvvəyə malik deyil və yalnız seçkilərin ümumi tendensiyasını əks etdirir.
Musavat.com
