İspaniyalı futbolçu Jerard Pike keçmiş sevgilisi, dünya pop səhnəsinin ulduzu Şakira ilə 2022-ci ilin iyununda baş verən ayrılığından danışıb.
OLAY yazır ki, 37 yaşlı idmançı CNN-ə müsahibəsində bildirib ki, onların ayrılması fonunda fəal şəkildə müzakirə olunanların çoxu həqiqətə uyğun deyil.
“Baş verənlər haqqında həqiqət əslində baş verdiyi kimi deyilmir. Mən buna nəzarət edə bilmirəm. Başa düşürəm ki, hər kəsin öz baxış bucağı var. Məni tanımayan bir çox insan mənim haqqımda fərziyyələr irəli sürür. Bizim söz azadlığımız var. Ən xoş olanı odur ki, məni sevdiklərim, ailəm, dostlarım - məni həqiqətən tanıyan insanlar əhatə edir. Onlar mənim kim olduğumu və nə etdiyimi bilirlər, bu, mənə rahatlıq verir”, - deyə J. Pike vurğulayıb.
Ulduz futbolçu həmçinin qeyd edib ki, o, Şakiranı tərk etdiyi 25 yaşlı sevgilisi Klara Çia ilə münasibətdə indi çox xoşbəxtdir:
“Mən çox xoşbəxtəm, gözəl vaxt keçirirəm və özümü seçilmiş hiss edirəm. Yaşadığım həyat, iyirmi ildən artıqdır ki, həyatımın klubunda oynamaq imkanı, gözəl uşaqlar, inanılmaz ailə, ömürlük dostlar, sahib olduqlarım məktəbdə hələ də əlaqə saxlayıram”.
Xatırladaq ki, Şakira və futbolçu Jerar Pike 2010-cu ildə müğənninin klipinin çəkiliş meydançasında tanış olublar. Onlar görüşməyə başlayıb və yaş fərqinə görə münasibətləri mətbuatda qızğın müzakirə olunub - Şakira Pikedən 10 yaş böyükdür. 2013-cü ildə cütlüyün Milan adlı oğlu, iki ildən sonra isə ikinci oğlu Saşa dünyaya gəlib. 2022-ci ilin yayında cütlüyün ayrılması məlum olub, buna səbəb futbolçunun xəyanəti olub. O, Şakira ilə münasibəti zamanı idmançının “Kosmos” tədbir agentliyində işləyən hazırkı sevgilisi Klara Çia ilə tanış olub. Cütlüyün ayrılması mətbuatda qızğın müzakirə edilib. Şakiranın özü dəfələrlə keçmiş sevgilisinin xəyanətindən danışın və açıq şəkildə onu ələ salıb.
