"BRİCS sammiti çox önəmli bir sammitdir. BRİCS-in 16-cı sammiti olduqca ciddi məsələlərə toxunacaq."
Politoloq Elçin Alıoğlu bunu News365.az-a açıqlamasında deyib.
"Söhbət qlobal cənubun qızıl milyardı inkişaf etməmiş ölkələrin, inkişaf etməkdə olan ölkələrin cəbhə yaradaraq Qərbə qarşı çıxmasında deyil. Qərb mediası bunu belə təqdim edir, Rusiya mediyası isə buna az qala inkişaf etməkdə olan ölkələrin Qərbə üsyanı kimi qələmə verir. Bu heç də belə deyil. Məhz bu səbəbdən Azərbaycan hələ sammitdə iştirak edir. BRİCS sammiti bizim üçün bir sıra məsələlər baxımından olduqca önəmlidir. Həm iqtisadi, həm siyasi, geosiyasi, eyni zamanda Azərbaycanla Ermənistan münasibətləri platformasında.
Mən qətiyyən istisna etmirəm ki, BRİCS sammitində iki və ya üçtərəfli müzakirə ola bilər, amma ki bu müzakirələr heç bir halda rəsmi müzakirə olmayacaq, çünki BRİCS sammitində Azərbaycan Ermənistan münaqişəsini tənzimlənməsi kimi bir müzakirə, rəsmi görüş nəzərdə tutulmayıb. Vladimir Putin çalışır ki, danışıqları Moskva platformasına keçirsin
