Sudanın Çevik Reaksiya Qüvvələri (RSF) bu gün Şimali Darfurun Malxa bölgəsində yük təyyarəsini Sudan ordusunun bombardmançısı ilə səhv salaraq vurub...
APA xəbər verir ki, yük təyyarəsi BƏƏ-nin Sudanın Çevik Reaksiya Qüvvələrinin özünə təchizat daşımaq üçün istifadə etdiyi İL-76 olub.
Təbii fəlakət nəticəsində Rusiya və Qırğızıstan vətəndaşlarından ibarət bütün ekipaj həlak olub.
RSF komandiri Əli Rizkallah bildirib ki, təyyarə Misirə məxsus olub, lakin qalıqlar təyyarənin RSF-ni dəstəkləyən və BƏƏ-də yerləşən hava yolu şirkətinə məxsus olduğunu göstərib.
Ekipaj üzvlərinin üzərində Qırğızıstanın Manas hava limanına bağlı olduqlarını göstərən sənədlər olub.
“Conflict Observatory”-nin araşdırmasına görə, BƏƏ tərəfindən idarə olunan təyyarələr BMT-nin embarqosunu pozaraq, RSF üçün Çada hərbi təchizat çatdırıb.
***
Sudanın Çevik Reaksiya Qüvvələri (ÇRQ) səhvən ölkənin qərbində BƏƏ-nin yük təyyarəsini vurub.
“Report” xəbər verir ki, bu barədə “Sudan War Monitor” məlumat yayıb.
“Bu gün təxminən saat 04:00-da Şimali Darfurdakı Malha ərazisində yük təyyarəsi vurulub”, – məqalədə qeyd olunub.
ÇRQ-nin Şimali Darfurdakı komandiri Əli Rizkallanın sözlərinə görə, onlar Sudan qoşunlarını bombalamaq üçün nəzərdə tutulmuş ola biləcək “Misir AN”ını məhv etmək üçün idarə olunan raketlərdən istifadə ediblər.
Lakin qəza yerindən əldə edilmiş sübutlar göstərir ki, bu təyyarə əslində ÇRQ-nin özünü dəstəkləmək üçün BƏƏ tərəfindən təşkil edilmiş hava körpüsünün bir hissəsi idi.
Əslində, qalıqlar İl-76-ya məxsusdur və ekipaj üzvlərindən birinin üzərində onu BƏƏ-də yerləşən və Qırğızıstanla əlaqələri olan “Airline Transport Incorporation FZC” şirkətinin baş mühəndisi kimi müəyyən edən nişan olub.
Məlumata görə, demək olar ki, tamamilə yanmış hava gəmisində beş nəfərin olduğu güman edilir, sağ qalanlar barədə məlumat verilməyib.
Poliqon.info
