Türkiyəli aktrisa, model Hazal Subaşı tanınmış müğənni Oğuzhan Koçla sevgilidir.
Oxu24.com Türkiyə mətbuatına istinadən xəbər verir ki, cütlük münasibətlərini sosial media hesablarında açıqlayıb.
29 yaşlı Hazal Subaşı ilə 39 yaşlı Oğuzhan Koçun birlikdə çəkilən fotolarını isə müğənni Berkay Şahin və aparıcı Berfu Yenenler öz instaqram hesablarında paylaşıblar.
Qeyd edək ki, Oğuzhan Koç 2022-ci ildə aktrisa Demet Özdemirlə ailə qurub. Evliliklərinin 8-ci ayında boşanmaq qərarına gələrək 2023-cü ildə boşanıblar.
Hazal Subaşı 2015-ci ildə “Miss Türkiyə” yarışmasında üçüncü seçilib. O, “Adını sen koy”, “Bir umut yeter”, “Halka”, “Çukur”, “Kasaba doktoru”, “Dilek taşı”,”İlk ve Son” kimi seriallarda rol alıb. Aktrisa hazırda “Sahipsizler” serialı ilə izləyici qarşısına çıxmağa hazırlaşır.
