Hazırda respublika ərazisində həyata keçirilən “Təmiz hava” aylığı çərçivəsində nəzarət tədbirləri davam edir.
Avtosfer.az xəbər verir ki, DİN BDYPİ-nin Ekoloji Nəzarət Bölüyünün stasionar postunda Ekologiya və Təbii Sərvətlər Nazirliyinin əməkdaşları ilə birgə keçirilən növbəti tədbir zamanı atmosferə normadan artıq zərərli maddələr atan avtomobillərin istismarının qarşının alınması ilə yanaşı, sürücülərlə, eləcə də sərnişin və yük daşıma fəaliyyəti göstərən fiziki və hüquqi şəxslərlə nasaz nəqliyyat vasitələrindən istifadənin ətraf mühitə, o cümlədən insanların həyat və sağlamlığına vurduğu zərərlə bağlı maarifləndirmə xarakterli söhbətlər aparıb, bu sahədə yol verilən qayda pozuntularının inzibati məsuliyyət yaratdığını onların diqqətinə çatdırıb.
