Britaniya hökumətinin təşkil etdiyi çarter reysləri ilə indiyədək 250-dən çox Böyük Britaniya vətəndaşı Livandan təxliyə edilib. SİA xəbər verir ki, bu barədə Birləşmiş Krallığın Xarici İşlər Nazirliyinin yaydığı məlumatda bildirilib. Qeyd edilib ki, sonuncu çarter reysi oktyabrın 6-da Beyrutdan yola düşəcək. Hökumət əlavə uçuşların planlaşdırılmadığını açıqlayıb. Səbəb olaraq tələbin əhəmiyyətli dərəcədə azalması göstərilib. Bununla belə, vəziyyətin davamlı olaraq nəzarətdə saxlanacağı vurğulanıb.
