Avropa İttifaqı qeyri-dost münasibətinə görə Gürcüstan rəhbərliyi ilə yüksək səviyyəli görüşləri dayandırmaq qərarına gəlib.
Musavat.com xarici mediaya istinadla xəbər verir ki, bu barədə jurnalistlərə Aİ-nin Gürcüstandakı səfiri Pavel Qerçinski məlumat verib.
“Bu ilin iyununda, bir neçə ay əvvəl biz üzv ölkələrlə, fikrimizcə, Aİ-yə qarşı qeyri-dost münasibət bəsləyən Gürcüstan rəhbərliyinə münasibətimizin necə olacağı ilə bağlı müzakirə apardıq ki, rəsmi Tiflisin anti-Avropa və anti-Qərb açıqlama və təbliğatına, sui-qəsd nəzəriyyələrinə necə qalib gələ bilərik. Biz qərara gəldik ki, Gürcüstanın hazırkı rəhbərliyi ilə heç bir yüksək səviyyəli görüşümüz olmayacaq”, - Qerçinski bildirib.
Qeyd edək ki, Gürcüstanda xarici agentlər haqqında qalmaqallı qanunun Qərb ölkələrinin və yerli QHT-lərin bütün etirazlarına baxmayaraq qəbul edilməsi Aİ ilə Gürcüstanın münasibətlərini ciddi şəkildə zədələyib.
Musavat.com
