COP29-un Azərbaycanda keçirilməsi ölkədə həm siyasi, həm iqtisadi, həm də turizm və investisiya kimi bir çox sahələrə töhfə verəcək.
Publika.az xəbər verir ki, dünya ölkələri üçün yeni mərhələ olan enerji keçidi prosesinə Azərbaycanın söz sahibi olması, həmçinin regionda ilk dəfə baş tutan COP29 kimi mühim tədbirə ev sahibliyi etməsi qarşıdakı dövrdə daha aydın şəkildə müsbət tərəflərini ortaya qoyacaq.
Məsələ ilə bağlı "Xəzər Xəbər"ə danışan COP29-un baş icraçı direktoru Elnur Soltanov deyib ki, COP çərçivəsində ölkəyə gələn qonaqlar və şirkətlər həm də yeni investroların cəlb edilməsi deməkdir.
COP29 rəsmisi həmçinin qeyd edib ki, Azərbaycanın hazırki mərhələdə neft və qaz sahəsindən əldə etdiyi təcrübə yaşıl enerjiyə keçid sahəsində də xüsusi yardımçı rol oynayacaq.
Tədbirin siyasi üstünlüklərindən danışan BMT-nin COP29-da iqlim dəyişmələri üzrə yüksək səviyyəli çempionu Nigar Arpadarai isə bildirib ki, Azərbaycanın belə qlobal tədbirə ev sahibliyi etməsi dünyaya birlik, sülh mesajı verməsi deməkir.
