Rusiya Federasiyasının Başqırdıstan Respublikasının keçmiş nəqliyyat və yollar naziri Aleksandr Klebanov rüşvətxorluqla bağlı cinayət işi üzrə məhkəmədə təqsirini tam etiraf edib.
Bakıvaxtı.az Rusiya mətbuatına istinadən xəbər verir ki, keçmiş nazir məhkəməyə qədər əməkdaşlıq müqaviləsi bağlayıb və “cinayətin başqa şəxs tərəfindən törədilməsinə” dair ifadə verib.
Aleksandr Klebanov xüsusilə külli miqdarda rüşvət almaqda ittiham olunur.
Nazir mayın əvvəlində saxlanılıb, bundan sonra tutduğu vəzifədən azad edilib. Əvvəlcə Ufanın Sovet Rayon Məhkəməsi Klebanovu həbs edib, sonra isə ev dustaqlığına keçirib.
