Yanlış iqtisadi inkişaf strategiyası həyata keçirən və tədricən Çin və ABŞ-dan geri qalması fonunda Avropa İttifaqı məhv ola bilər...
Poliqon xəbər verir ki, bunu Fransa prezidenti Emmanuel Makron deyib.
Dövlər başçısı Bloomberg agentliyinə müsahibəsində Avropa İttifaqının perspektivlərini qiymətləndirib. Onun fikrincə, ittifaqın ABŞ və Çinə rəqabətdə uduzması təhlükəli tendensiyadır.
"Avropa İttifaqı "ölə bilər". Biz çox vacib bir anın astanasındayıq", deyə Emmanuel Makron bildirib.
Fransa prezidenti qeyd edib ki, Avropa İttifaqının iqtisadi inkişafı modeli düzgün deyil, çünki blok həddən artıq tənzimləyir və az sərmayə qoyur.
Emmanuel Makron əlavə edib ki, növbəti iki-üç il ərzində Avropa İttifaqı iqtisadiyyatda "klassik gündəmə" əməl etsə, blok ABŞ və Çin qarşısında rəqabəti uduzacaq.
Fransa prezidenti hesab edirdi ki, Vaşinqton və Pekin həm hasilatda, həm də sərmayədə Avropa İttifaqından üstündür və təcili tədbirlər görülməsə, Avropa digər ölkələrlə rəqabət apara bilməyəcək.
Poliqon.info
