"Qlobal iqlim dəyişikliyi fonunda bəzi ölkələrdə uşaqların taleyi sual altına düşür" — AÇIQLAMA
Onun sözlərinə görə, iqlim dəyişikliyi uşaqların əqli inkişafına təsir edir:
"Həmçinin, uşaqlar təhsil imkanlarından da məhrum olurlar. Xəstəliklərin 88 %-i iqlim dəyişikliyi səbəbindən yaranır və 5 yaşa qədər uşaqlar bundan daha çox təsirlənirlər".
Həkim-professor Adil Qeybulla Demokrat.az-a açıqlamasında iqlim dəyişikliyinin nəinki uşaqlara, böyüklərə, digər canlılara da təsiri olduğunu deyib:
“Təsəvvür edin ki, iqlimin köklü şəkildə dəyişməsi, qlobal istiləşmə, atmosfer havasında toplanmış suyun küləklə başqa yerlərə dağıdılması Yer kürəsindəki biosenoza, relyefə çox təsir edəcək, bunu zamanla görəcəyik. Bu gün Afrika qitəsində qar, yağış yağması heç də təsadüfi deyil. Qlobal iqlim dəyişikliyi fonunda bəzi ölkələrdə uşaqların da taleyi sual altında olur. Bəzi ölkələrdə uşaqlar müdafiəsizdirlər – kondisioner imkanı yox, qidalanma kifayət qədər yetərli deyil, böyük yaşlı uşaqlar daha çox təhlükə altındadırlar.
Dünya iqlim dəyişikliyi qarşısında artıq həyəcan təbili çalır. Ümumdünya Səhiyyə Təşkilatının xəbərdarlıqları, keçirilən tədbirlər, həmçinin, noyabr ayında ölkəmizdə keçiriləcək COP29 beynəlxalq konfransı bu qəbildəndir. Dünya bunun çıxış yollarını aramaqdadır. Yaşıl enerjiyə keçid, atmosfer havasını çirkləndirən faktorların aradan qaldırılması yolları barədə təkliflər bu istiqamətdə görülən tədbirlərdəndir”.
Törə Zeynallı
Demokrat.az
