“Borussiya”nın baş məşqçisi Nuri Şahin UEFA Çempionlar Liqasının Liqa mərhələsinin 2-ci turunda “Seltik”ə qarşı keçirdikləri oyunu şərh edib.
Arena.az xəbər verir ki, Dortmund təmsilçisi Şotlandiya klubu ilə ev oyununda 7:1 hesablı qələbəyə sevinib.
Türkəsilli almaniyalı mütəxəssis matçdan sonra baş tutan mətbuat konfransında komandasının qələbəsi barədə bunları söyləyib:
“Mən fövqəladə dərəcə məmnunam, amma bu oyuna fərqli bucaqdan baxa bilərəm. Ən xoşagələn cəhət isə öz vəzifələrimizi yerinə yetirməyimiz idi. Biz həmişə irəli getmək istəmişik, müvafiq oynayanda isə bizi məğlub etmək çətindir. Nə qədər səy göstərdiyimizdən inanılmaz dərəcədə məmnun oldum – bax, görün, biz ölçünü burada müəyyən etdik. İnkişafımızda mühüm addımlar atmışıq”, deyə Nuri Şahin razılıqla vurğulayıb.
2 turdan sonra “Borussiya” Çempionlar Liqasının ümumi mərhələsinin yarış cədvəlində 6 xalla 1-ci pillədə, “Seltik” isə 3 xalla 18-ci pillədə qərarlaşıb.
