İranın xarici işlər naziri Abbas Arakçi İngiltərə, Fransa, Almaniya və bəzi digər ölkələrin xarici işlər nazirləri ilə telefon danışığı aparıb.
O, İran Silahlı Qüvvələrinin İsrailə qarşı həyata keçirdiyi raket hücumunu, Livan və Qəzzadakı gərginliyi müzakirə edib.
"Cebheinfo.az" Modern.az-a istinadən xəbər verir ki, Abbas Arakçi həmkarlarına bildirib ki, İsrailin HƏMAS lideri İsmayıl Həniyəni qətlə yetirməsindən sonra Tehran iki aydan artıq müddət ərzində təmkinlə hərəkət etdi. Nazir həmin müddətdə İsrailin Qəzzada müharibə alovunu davam etdirməsinə və bu müharibəni Livana qədər genişləndirərək 42 mindən çox fələstinlini ölüdürməsinə diqqət çəkib:
“İran İslam Respublikası yalnız Birləşmiş Ştatların 51-ci maddəsinə uyğun olaraq özünümüdafiə hüququndan istifadə etdi. Millətlər Xartiyası və xüsusi olaraq İsrailin hərbi və təhlükəsizlik bazalarını hədəfə alıb”.
İranlı nazir deyib: “Əməliyyat başa çatıb, lakin İsrail rejimi qisas almağa cəhd etsə, reaksiyamız daha sərt olacaq. İran İslam Respublikası müharibədən qorxmasa da, gərginliyi və müharibəni artırmağa çalışmır. Üçüncü tərəflərə bu münaqişəyə qarışmamaq üçün xəbərdarlıq edirik”.
Arakçı bir daha bütün ölkələri atəşkəsi təmin etməyə və İsrailin hücumlarının və regionda, xüsusilə Livan və Qəzzada gərginliyin daha da artmasının qarşısını almaq üçün səy göstərməyə çağırıb.
"Cebheinfo.az"
