30 sentyabrda, Azərbaycan vaxtı ilə saat 20:00, Türkiyə və Şimali Kipr vaxtı ilə saat 19:00-da "Əbədi Birlik" Gənclər İctimai Birliyi təşkilatçılığı ilə Google Meet platformasında Azərbaycan - Türkiyə-Şimali Kipr “3 Dövlət, 1 Millət” Forumu keçirildi.
Toplantının şərəfli qonaqları Şimali Kipr Türk Cümhuriyyəti Məclis Sədri Zorlu Töre, Azərbaycan-Şimali Kipr parlamentlərarası əlaqələr dostluq qrupu rəhbəri, Yeni Azərbaycan Partiyası Millət vəkili Cavanşir Feyziyev və Türkiyə-Şimali Kipr parlamentlərarası əlaqələr dostluq qrupu rəhbəri AK Parti Millət vəkili Orhan Erdem oldu.
"Əbədi Birlik" Gənclər İctimai Birliyinin sədri Şahin Əliyev və "Əbədi Birlik" Gənclər İctimai Birliyi Şimali Kipr nümayəndəsi Serdar Şengül moderatorluğunda keçirilən toplantıda Azərbaycan-Türkiyə-Şimali Kipr regional əməkdaşlıq məsələləri və regional inkişaflar müzakirə olundu.
Şimali Kipr Parlamentinin Sədri Zorlu Töre:
Azərbaycanın Şimali Kipr məclisi ilə dostluq qrupu yaradılması son dərəcə önəmli bir inkişafdır. Heyətlərimizin qarşılıqlı ziyarətləri zamanı mühüm diplomatik nailiyyətlər əldə edilmişdir. Bugün görürsünüz ki, Güney Kipr Rum İdarəsi Ermənistan ilə hərbi-texniki əməkdaşlıqlar edir, amma onların bu əlaqələri bir nəticəyə varmaz. Baxın, Ermənistan Qarabağda boyunun ölçüsünü aldı, Güney Kiprdə isə 20 İyul səhəri eyni şəkildə boyunun ölçüsünü almışdır. Buna görə də, Güney Kipr, Yunanıstan, Ermənistan və Fransa müxtəlif sahələrdə əməkdaşlıq edirlər; bu inkişaflar qarşısında caydırıcı hala gəlməyimiz qaçılmazdır. Ölkəmizdə dəniz və hava bazaları artırılmalıdır; çünki Türkiyənin hərbi caydırıcılığı son dərəcə önəmlidir. Ermənistan və Rum-Yunan ikilisi Avropa tərəfindən şımartılmış ölkələrdir. Kipr Rum tərəfinin İsrail ilə əməkdaşlıq etməsi də son dərəcə təhlükəli addımlardır. Hazırda Güney Kiprdə Tatlısu bölgəsində ABŞ və Fransa üçün bir baza planlaşdırılır. Rum tərəfi adada eroziya yaratmaq istəyir, amma bu, öz cəmiyyətlərində də qarşılıq tapmır. Biz yolumuza Türk Dövlətləri Təşkilatı çərçivəsində və Türkiyənin zəmanətində təhlükəsiz addımlar atmağa davam edirik. Azerbaycan ilə əlaqələrimizin addım-addım irəliləməsi Şimali Kiprin güclənməsi baxımından da çox önəmlidir. Həm ticarət, həm də mədəniyyət sahəsində iki qardaş ölkə arasında artan qarşılıqlı addımlar vardır.
*Türkiyə-Şimali Kipr arası dostluq qrupu rəhbəri Orhan Erdem:*
Belə bir platformada sizinlə bir araya gəlmək son dərəcə önəmlidir. Əvvəlcə, adada böyük bir haqsızlıq var; əgər geri tarixlərə gedəriksə, 378 il adanı bizlər idarə etdik. Əvvəlki dövrlərdə Rum xalqı adada bu qədər sıx bir nüfusa sahib deyildi; illər ərzində inkişaf edən fərqli olgular Kiprin bu gününü formalaşdırmışdır. Şunu bildirmək istəyirəm ki, bu gün Şimali Kipri 1 ölkə tanıyır, o da Türkiyədir; lakin Fələstini dünyada tam 150 ölkə tanıyır və gəldiyi durum ortadadır. Buna görə də, Şimali Kiprə kimsə zərər verə bilməz.
Türkiyə Cumhurbaşqanımız Sayın Erdoğan Şimali Kiprin tanınması üçün böyük mübarizələr aparmışdır və davam da edir. Azərbaycan Cumhurbaşqanı cənab İlham Əliyev də bu prosesə əhəmiyyətli töhfələr vermişdir. Birliyimiz ilə insan haqlarının böyük ölçüdə pozulduğu belə bir dövrdə haqlı davalarımızı kararlılıqla davam etdirəcəyik. Bu gün Şimali Kiprin gəldiyi nöqtə çox önəmlidir; məsələn, Rusiyanın Baş Konsolosluğu adadadır, minlərlə İngilis yaşayır və təxminən 130 ölkədən tələbələri qəbul edir. Şimali Kiprin beynəlxalq aləmdə tanınmasa da, gəldiyi nöqtə çox əhəmiyyətlidir. 15 Noyabrda, inşallah, Şimali Kiprin yaradılma ildönümündə Cumhurbaşqanlığı külliyyəsi və yeni Məclis yerləşməsi açılacaq. Kıbrısda iki ayrı dövlətin varlığının nişanəsi olacaq bu strukturlar, inşallah, güclü və gözəl günlərə əmin addımlarla irəliləyəcək.
*Azərbaycan Şimali Kipr arası Dostluq Qrupu Rəhbəri Cavanşir Feyziyev:*
Kipr Türklərinin tarix boyunca yaşadığı bütün hadisələr, dünya düzənindəki ədalətsizlik və haqsızlıq yanaşımının bariz bir nümunəsidir. "Anlam Planı"na "Bəli" deməsinə baxmayaraq, Şimali Kipr Türk Cümhuriyyətini xaricdə qoyub, Güney Kipr Rum İdarəsini Avropa Birliyinə üzv etmələri, bizə Türk dövlətləri olaraq problemlərimizi özümüzün həll etməli olduğumuzu sübut edir. Yəni, beynəlxalq hüququn hər zaman işini görmədiyi aşkar görünür.
Son 100 il ərzində müstəqil Türk dövləti olaraq yalnız Türkiyə Cümhuriyyəti var idi. Lakin Türkiyə, Şimali Kiprin çətin zamanlarında yanında olmuş və varlığını qorumuşdur. Bu gün Şimali Kiprdən danışırıqsa, bunu Türkiyə Cümhuriyyətinə borcluyuq. 1991-dən sonra, yəni Sovet İttifaqının dağılması ilə bizim üçün yeni imkanlar yarandı. Artıq dünya xəritəsində 6 müstəqil Türk dövləti var. Bu son 30 il, Sovet İttifaqından ayrılan bu 5 Türk dövlətinin özünü tanıtması üçün kifayət oldu. Eyni zamanda, bu 30 ilin sonunda Dağlıq Qarabağ problemi də həll olundu. İndi həll edilməli olan tək problem, Şimali Kiprin müstəqilliyinin tanınmasıdır; bu, 6 müstəqil Türk dövləti üçün həll edilməli olan bir məsələdir. Şimali Kipr xalqının köklü tarixinə baxdığımızda, Yunanların burada hər hansı bir iddia sahibi olması əsassızdır.
6 Türk dövləti, 6 Türk deməkdir və bu 6 Türk dövlətinin BMT-də 6 səsi vardır. Lakin, BMT və Təhlükəsizlik Şurasının qəbul etdiyi bəzi məsələlər hər zaman kömək etmir. Bilindiyi kimi, BMT-də Qarabağ ilə bağlı 4 qərar var idi, amma BMT bu qərarları həyata keçirə bilmədi. Azərbaycan öz problemini öz-özünə həll edə bildi.
*Şahin Əliyev – Serdar Şengül*
*BİRLİYİMİZ ƏBƏDİ OLACAQDIR*
“Əbədi Birlik” Gənclik İctimai Birliyinin sədri Şahin Əliyev, layihənin məqsədi və Azərbaycan-Türkiyə-Şimali Kipr Türk Cümhuriyyəti arasındakı üçlü tərəfdaşlığın inkişafı və “3 Dövlət, 1 Millət” ifadəsinin əhəmiyyəti haqqında geniş məlumat verdi.
“Əbədi Birlik” Gənclik İctimai Birliyinin Şimali Kipr Nümayəndəsi Serdar Şengül isə Şimali Kiprin tanınmasının Türk dünyası dövlətləri və xalqlarının inkişafı baxımından əhəmiyyətinə toxundu və Türk dili danışan ölkələrin dostluq, qardaşlıq və ittifaq bağlarını gücləndirmək üçün çalışmalı olduqlarını vurğuladı.
Onlar, təşkil etdikləri layihənin məqsədinin Azərbaycan-Türkiyə-Şimali Kipr dövlətlərinin ortaq fəaliyyətlərindən əldə ediləcək töhfələri təşviq etmək, birlik və bərabərliyimizi gücləndirmək olduğunu bildirdilər.
Danışıqlarının ardından, Şahin Əliyev:
“ Mən İskit soylu, Sak ləyaqətli, Hun əzəmətli, Oğuz nəsilli, Türk əsilli Türk'əm. Millətəm türk, dilim türk dili, ölkəm Turan, Vətənim Azərbaycandır. Amma mən yalnız azərbaycanlı deyiləm. Mən bütün Türk dövlətlərinin övladıyam!” - deyərək çıxışını bitirdi.
