"Atletiko" ev matçlarında iştirakla bağlı klub reqlamentini yeniləyəcək.
QOL.az xəbər verir ki, bu barədə Madrid təmsilçisinin saytı məlumat yayıb.
Bildirilir ki, artıq azarkeşlərə üzlərini örtən paltar geyinmək qadağan olunacaq.
Bu qaydanı pozan azarkeşlər stadiondan uzaqlaşdırılacaq. "Atletiko" meydana müxtəlif əşyalar atan azarkeşləri klubun üzvlüyündən birdəfəlik məhrum edəcək.
Qeyd edək ki, La Liqanın 8-ci turunun "Atletiko" - "Real" matçı (1:1) 70-ci dəqiqədə azarkeşlərin davranışına görə yarımçıq dayandırılıb. Matç 20 dəqiqə sonra bərpa edilib.
