Ukrayna Prezidenti Volodimir Zelenski Rusiyanın Xerson vilayətində şəhər mərkəzini vurduğunu və bölgədə avtobus dayanacağında gözləyən 6 nəfərin öldüyünü açıqlayıb.
"Cebheinfo.az" xəbər verir ki, Zelenski açıqlamasında deyib:
“Xersonda şəhərin tam mərkəzinə Rusiya hücumu. Mərkəzi bazarın yaxınlığındakı avtobus dayanacağında insanlar arasında 6 nəfər ölüb. Bütün ailələrinə və yaxınlarına başsağlığı verirəm. 6 nəfər də xəsarət alıb, onlara lazımi yardım göstərilir.
Gündəlik rus terroru, insanların həyatını məhv etmək cəhdləri - bütün bunları dayandırmaq olar. Biz ölkəmiz və xalqımız üçün davamlı sülhü təmin etməliyik. Bunun üçün Ukraynanın gücü və tərəfdaşlarımızın qətiyyəti Putinin terror etmək istəyindən daha çox, təcavüzkara qarşı təzyiqlər və Ukraynaya yardım davamlı və hərtərəfli olmalıdır."
