DİN Xəzər rayonunun Binə qəsəbəsi ərazisində baş vermiş bıçaqlanma hadisəsi ilə bağlı açıqlama yayıb.
KONKRET.az xəbər verir ki, DİN-in Mətbuat Xidmətinin əməkdaşı İbrahim Əmiraslanlı apa-ya bildirib ki, sentyabrın 29-da saat 23 radələrində paytaxtın Xəzər rayonunun Binə qəsəbəsi ərazisində qəsəbə sakinləri 1997-ci il təvəllüdlü Nicat Hüseynovun və 1990-cı il təvəllüdlü Zaur Sultanovun şəxsi münasibətlər zəminində aralarında yaranmış münaqişə zamanı bir-birilərinə kəsici alətlə xəsarətlər yetirmələri barədə polisə məlumat daxil olub.
Hadisə ilə bağlı Xəzər Rayon Polis İdarəsində araşdırma aparılır.
