AÇ-2025 hansı ölkədə keçiriləcək?

“Kişinyov Arena” 2022-ci ilin dekabrında istifadəyə verilib, 5000 tamaşaçı tutumuna malikdir. 19 yaşadək futzalçılar arasında final mərhələsi 2025-ci ildə keçiriləcək Avropa çempionatına Moldova evsahibliyi edəcək. Matc.az xəbər verir ki, bununla bağlı UEFA İcraiyyə Komitəsi qərar qəbul edib. Oyunlar gələn il sentyabrın 28-dən oktyabrın 5-dək paytaxtdakı “Kişinyov Arena”da keçiriləcək. Sayca 4-cü dəfə təşkil olunacaq qitə birinciliyinin seçmə oyunlarının da tarixləri açıqlanıb. Gələn ay – oktyabrın 31-də seçmə mərhələlərin püşkü atılacaq. İlkin mərhələnin oyunları gələn il yanvarın 21-dən 26-dək, əsas mərhələnin görüşləri isə 25-30 martda keçiriləcək. “Kişinyov Arena” 2022-ci ilin dekabrında istifadəyə verilib, 5000 tamaşaçı tutumuna malikdir. Qeyd edək ki, U-19 yığmamız mübarizəyə indiyə qədər əsas mərhələsindən başlayıb. Komandaların yeni mövsümə hansı mərhələdən başlayacağı reytinq cədvəli əsasında müəyyənləşəcək.